Polis investigando caso serio di maltrato na Wayaca

Polisnan y ambulance a bay pura den direccion di Wayaca. A drenta informacion cu tin un dama herida y mester di yudansa. Un hende parce a heride. Ora cu Polis a yega na e cas na Wayaca a topa cu e dama riba vloer den cura. Paramediconan tambe a bay atende cune mesora. E no kier a papia masha e momento ey. Un agente femenino a trata di combersa cu e dama.

E tabata hopi sera y tabata dificil pa papia cune. Polis a busca manera di papia cu esnan cu ta biba eybanda. Parce cu e tin un amigo of su guy. Ta sospecha cu e guy ta esun cu a comete e maltrato. E lo a bisa hende eybanda caba cu e tin problema cu un guy. E dama tabata tin corta na curpa y a mira basta sanger. Recherche tambe a ser avisa y slachtofferhulp. A mira cu tabata tin bentana kibra y tambe boter di cerbes poni banda di auto. E informacionnan acumula pa Polis tabata importante e momento ey.