Polis investigando caso di homber cu a muri den cura na Mahuma

Diadomingo atardi a sosode un caso unda un homber alrededor di 60 aña a fayece den su cura di cas. Famia ta teme cu nan tata a ser agredi y cu consecuencia fatal. Berdad lo tabata tin un discusion pero no por conclui cu esey a caba na agresion te na morto. Polisnan y ambulance a bay na e adres na Mahuma. Ora cu nan a yega a cera e area pa cuminsa investiga. E informacion persistente entre otro di bisiña tabata papia di maltrato. Dokter a yega na e sitio y ta constata morto di e homber fam Krozendijk. Dos persona cu tabata tin discusion cu e victima tambe a bay warda di Polis bati alarma y duna nan declaracion mesora. Fiscal no a duna ordo pa detencion. Mas bien riba nan mes a bay duna declaracion. E victima no ta mustra un hende cu maltrato riba dje. E tin un rasca na cara pero esey pa Polis no ta mustra di ta procedente di un maltrato. Asina mes a dicidi di bay cu e curpa Hospital pa asina haci un examen riba dje. Dokter no ta mira cu agresion serio por a causa su morto. E ta mustra mas na morto natural. Pa kita tur duda a opta pa hiba e curpa pa chek mas leu. Kizas e por a consumi tambe y haya ataca. Si resulta cu berdad e morto ta debi na agresion, lo bay over na detencion. Pas na su restonan y forsa na e famia.