Pasa di 8or di anochi, bisiñanan a pidi asistencia di polis pa un auto cu a hera dal den un cura di cas na Paradijs. Ora patruya a yega a topa cu un homber tambe cu tabata coriendo bicicleta sin lus. Polis a bay chek cu e homber riba e bicicleta y e coremento sin lus.
E homber a cuminsa bira nervioso y mesora polis a bay atende cune. A resulta cu e homber ta ilegal na Aruba. Polis a detene e homber mesora y a pidi transportwagen pa hiba e homber pa warda di Playa. Despues a bay atende cu e asistencia di e pickup. E doño di cas a papia cu polis y a bisa polis cu e chauffeur di e pickup a bisa cu e ta bay busca hende pa yude hiba e auto su cas pasobra e wiel ta kibra.
