Polis en busca di criminalnan supuestamente arma

Casi 2’or di merdia a sosode algo cu tabata parce un accidente chikito pero cu despues a bira algo mas grandi. Te ainda e noticia aki ta den desaroyo.

Tur cos a cuminsa na altura di rotonde Tanki Flip, ora cu un patruya ta mira dos auto ta manera “bringa” cu otro riba caminda, manera comosifuera cu nan kier kita un otro for di caminda.

Esaki mesora a hala atencion di e patruya cu a bay nan direccion. Un di e autonan aki a dal den e vehiculo policial, mientras cu e otro a huy for di e sitio. Prome a papia di un Nissan March y despues a bisa cu esaki por ta tambe un Vitz, color shinishi. E otro vehiculo a huy y no kier a para. Mesora a mobilisa diferente unidad,. Ya cu esaki caba no ta un bon señal.

Dos detencion riba caminda di Tanki Flip a haya arma di candela tambe

Dos detencion riba caminda di Tanki Flip a haya arma di candela tambehttps://24ora.tv/36iefXa

Posted by 24ora on Friday, January 24, 2020

A logra para e vehiculo aki banda di un negoshi na Tanki Flip y den e auto tabatin dos persona masculino. A bay cu hopi cautela ya cu a menciona cu tabatin arma di candela envolvi. “Ami no sa di nada,” un di e hombernan a cuminsa grita ora cu detencion a cay di esnan den e Nissan Silvia. Supuestamente esnan den e Vitz/March lo kier a tira riba nan, p’esey e luchamento entre e dos autonan riba caminda.

E auto color shinishi a core bay direccion ariba

Otro unidadnan na mesun momento tabata en busca di un Vitz shinishi cu tabata tras di e Silvia y a huy for di e sitio. E informacion cu a haya na e sitio, for di e e hombernan deteni, ta cu e otro tresnan cu a huy den e otro vehiculo lo tin un arma di candela.
Asina Polisnan di San Nicolas a mobilisa na diferente punto di San Nicolas en busca di un Vitz shinishi. Pero tur ta informacionnan confuso cu autoridadnan na e momentonan aki ta trahando ainda ariba dje.

Un detencion y arma di candela confisca na Tanki Flip

Un detencion y arma di candela confisca na Tanki Fliphttps://24ora.tv/36iefXa

Posted by 24ora on Friday, January 24, 2020


E persona so a keda deteni na Tanki Flip, Arubiano y a haya un arma di candela