Den pleno persecucion polis motorisa ta accidenta

4874

Diamars algo prome cu 6:00pm a tuma luga un accidente riba e caminda di Sabana Basora pa Franse Pas. Aki un polis motorisa a duna señal na un brommer pa para, pero e motociclista no kier a para pa e agente policial.

E agente policial a bay tras di e brommer y na dado momento tabatin un Honda su dilanti. Na momento cu e chauffeur di e Honda a bay bira na su banda links, e agente policial no a tuma nota y a dal parti na banda di e auto.

E agente policial a ricibi basta sla na su curpa. A pidi asistencia di ambulance, di cual dos presenta na sitio pa atende cu e agente policial. Polis di trafico tambe a presenta na sitio. Despues di a atende cu e agente policial, e paramediconan a transport’e pa hospital. E brommer cu a huy a busc’e, pero no a topa cu ne den e area mas. Pa loke ta trata e brommer di e polis, esaki a ricibi hopi daño material.

Polis motorisa envolvi den accidente na Sabana Basora.

Posted by 24ora on Wednesday, January 13, 2021