E condena di un di e polisnan envolvi den e detencion fatal di Mitch Henriquez, ta na su luga. Esaki ta loke Corte di Casacion (Hoge Raad) a dicidi.
E polis, cu a haya e codigo DH01 pa protege su siguridad, cu tabata responsabel pa e nekklem, a haya seis luna condicional den apelacion na 2019. El a dicidi di bay den Casacion contra e decision aki. A declara e otro funcionario policial liber di e acusacion.
Henriquez di 42 aña a fayece na juni, 2015 despues di su detencion durante un festival den un parke. A detene uzando forsa despues cu el a grita cu e tin un arma y a mustra na su parti intimo.
