Diasabra den careda di 11or di anochi un pelea a tuma luga na Renaissance banda di Seaport. Polis a presenta na e luga pa mira kico tabata e problema y a resulta cu un grupo di mucha a horta un telefon di otro grupo di muchanan.
E dos gruponan a dicidi pa bringa. Basta menaza a cuminsa cay y mayornan mester a yega pa busca nan yiu. Un di e victimanan a keda levemente herida cu sla na cabes y ambulance a presenta pa paramediconan duna ayudo na e mucha muhe.
E cos no tabata facil na e sitio mirando e cantidad di menor riba caya y cu boca grandi pa bringa of agredi otro.
