Polis cu listramento preventivo e fin di siman aki

866

Ministerio Publico y Cuerpo Policial ta informa cu cuminsando for di 29 di Juni, 6’or di atardi, te cu diasabra, 30 di Juni 6’or di mainta, lo bay haci controlnan preventivo riba posesion di arma.
Den cuadro cu control preventivo riba posesion di Arma, Cuerpo Policial tin e autoridad di para hende y ristra nan paña. Banda di esey, nan tin e autoridad pa ristra auto y otro vehiculonan pa arma. Cuerpo Policial tambe tin e autoridad pa ristra caha, tas, rugtas y otro empake pa control preventivo riba arma.
Ministerio Publico a haya e autoridad di hues comisario, y pa e motibo aki ta duna Cuerpo Policial e opdracht.
E area unda cu Cuerpo Policial lo bay haci controlnan preventivo, ta den e siguiente zonanan.
Zona 1:
Panort di Ritz Carlton, te cu e rotonde di Marriott Hotel.
Man drechi direccion Bakval te cu e T-splitsing.
Man drechi te cu Caya Frans Figaroa.
Sigui straight te cu Yen Yen Bar & Restaurant y henter e vecindario patras di e restaurant te cu Turibana 41.
Bay man drechi riba Caya Frans Figaroa te cu e luznan di trafico na altura di misa Santa Anna na Noord.
Vira na man drechi riba e caminda di asfalt di Palm Beach cu ta bay te Wendy’s.
na Wendy’s bira na man robez riba Sasakiweg direccion crusada na ex House of Cheng.
Sigui straight na altura di Olde Molen, incluyendo dilanti Olde Molen te cu Bubaliplas.
Bira na man robez direccion Costa Linda.
Man drechi riab e laagwaterlijn direccion Ritz Carlton.
Den Caya Frans Figaroa, riab e caminda cu ta bay di Palm Beach y Sasakiweg, tambe ta wordo conta aden, como tambe e cayanan adhunto.
Dilanti di Olde Molen, e vecindario te cu e toren (250 meter for di e caminda), ta wordo conta aden.

Zona 2:
Un circulo cu un straal di 150 meter, midi for di mey mey di e parkeerplaats di Do It Center na Shaba.

Zona 3:
Luznan di trafico na altura di Guarian Group riba LG Smith Boulevard te cu e casnan di pueblo na Bushiri.
E caminda cu ta bay patras di e casnan di pueblo di Madiki Kavel (Watty Vos Boulevard) te cu Cuquisastraat 17.
Sigui straight riba te cu e caminda principal di Caya Ernesto Petronia direccion Oranjesta.
Man drechi na e rotonde di Ponton.
Ban robes di e crusda cu Kamerling Onnestraat (na altura di RCA)
For di e crusada aki te cu e rotonde di Sero Blanco.
Riba dicho ringweg te cu e rotonde na altura di e ex edificio di MIO.
Man robez riba Caya Betico Croes, direccion rotonde Tarabana
Sigui straight te cu e edificio di ex Codemsa.
Man drechi riba Watty Vos Boulevard direccion rotonde banda di FCCA.
Sigui straight te cu e rotonde di aeropuerto.
Man drechi direccion rotonde Las Americas.
Man robez te cu e laagwaterijn cerca di Nikky Beach.
Keda sigui e waterlijn te cu e luznan di trafico cerca di Guardian Group.

Zona 4
Un circulo cu un straatl di 250 meter, midi for di cas Sero Patrishi 231.

Zona 5
Un circulo cu un straal di 75 meter, midi for di Cas Casuela na Tanki Leendert.