Nos tabata riba e ruta di Carnaval. Por a mira personal di garage di Polis awe, cu machete den man, ta pasando riba henter e ruta di Carnaval di Playa, pa asina kita tur obstaculo, banki, stoel, tur loke no mag di ta riba e ruta di Carnaval, ta wordo kita. Ta cosnan cu a wordo poni den forma ilegal, pero tin bon noticia.
Apart di tabata basta druk ta los cabuya, kitando tur tipo di lint riba e ruta, por mira cu hasta nan baki patras tabata yen di obstaculo, tin bon noticia. Diasabra, dia 27 di Januari, e dia aki, despues di 2’or, autoridad ta duna permiso pa tur hende pone nan material cu nan kier pone riba e ruta. Den e caso aki stoel, banki, etc., pa despues bo tin bo luga reserva pa bo mira e parada di mucha dia 28 di Januari. Dia 27 pa 2’or di merdia en adelante, bo mag di pone bo stoel, bo banki y pa e Carnaval, dia 28 y probablemente lo por lag’e tambe pa e resto di paradanan cu tin, cual ta Lighting Parade, Carnaval Grandi, etc., cual ta e siguiente paradanan. Awe, dialuna, despues di merdia, autoridad a haci un limpiesa riba henter e ruta. Nan a bay cu esakinan na warda di Balashi. Si bo haya falta di bo stoel, falta di cabuya, banki, bay warda di Balashi, den e cura, eynan nan tin nan warda. Si bo reconoce bo cosnan, probablemente nan lo entrega bo nan bek. Pero bo no por pone nan ainda, prome cu dia 27 pa 2’or di merdia. Un limpiesa total tumando luga riba e ruta di Carnaval.
