Polis cu control pisa riba ATV/UTV na San Fuego

Diaranson mainta polis a tene un accion na San Fuego pa loke ta trata vehiculonan ATV/UTV.
Segun vocero policial, Lito Lacle, e grupo di klas 2013 ta bezig cu e ultimo proyecto pa loke ta medio ambiente, cu ta hiba e titulo “ATV/UTV”.

Nan ta controlando esakinan y por ripara caba cu tin basta cos cu no ta na ordo.
Por ehempel tin un compania di ATV cu practicamente ningun di e turistanan no tin rijbewijs di brommer. Esaki no ta wordo controla prome cu e wordo gehuur na e personanan aki.

 

Polis cu control pisa riba ATV/UTV na San Fuego

Polis cu control pisa riba ATV/UTV na San Fuego. Click link pa mas https://24ora.tv/2JKDxGu

Posted by 24ora on Wednesday, May 29, 2019

Varios departamento envolvi

Lacle ta sigui menciona cu tabata tin DTP y DTI presente, no solamente pa controla e vehiculonan, sino pa controla e permisonan pa ta na ordo y wak si en berdad nan ta gekeurd na DTI. Tur esaki ta purba di acumula e informacion aki y si e no ta gekeurd, ta bay over na boet e personanan cu ta manehando esaki.

Mester tin rijbewijs

Pa stuur e ATVnan mester di rijbewijs A di brommer. Practicamente ningun turista eynan no tabata tin’e. Tin diferente factor ta hunga un rol tambe. Informacion cu como compania tin cu duna e turistanan, mester ta manera debe ser. Ora cu duna e informacion manera debe ser, no ta mira e parti economico so, sino wak e parti di siguridad. Den e casonan aki tin companianan no a tene cuenta cu esey. Nan a djis tene cuenta con nan por gana placa riba e turistanan.

Kico lo pasa

Polis no por bay laga e turistanan over na stuur e ATV/UTVnan, pasobra nan no tin rijbewijs valido. E tourguide y e compania tin cu bay over pa percura pa otro transporte, pa bay over na duna tour e turistanan aki of transporta nan bek di unda nan a bin, Lacle a splica.
E vocero ta sigui splica cu si e papelnan no ta na ordo, ta bay over na tuma beslag di e vehiculonan y hiba nan warda. No por permiti cu e papelnan no ta na ordo. Por ehempel un di e vehiculonan aki no ta gekeurd etc.

E ora ta permiti pa e hechonan castigabel tuma luga riba caya. Polis tambe mester actua responsabel. Ta duna e compania dos siman di tempo pa regla tur papel. Awo cu a bay over na control, ainda nan no a drecha nan papelnan manera mester ta.