Algo pasa di 5’or y 55 di diasabra atardi, patruya di Noord a bin topa cu un accidente na luznan di trafico na Palm Beach. Mesora a manda pidi patruya di trafico na e sitio. Ora patruya di trafico a yega, nan a constata cu e manehador di e Toyota Celica color blanco numera A-9497 tabata biniendo di nort bayendo zuid a nota cu e luznan di trafico no tabata trahando. El a sigui su caminda, ora cu diripiente un Chevrolet Optra color di oro numera A-56088, a pasa su dilanti, cu consecuencia cu el a dal den banda di e Celica. Ningun hende a resulta herida. Ora polis a bay check e documentonan di e dos autonan aki, a bin resulta cu ningun di nan tabata na ordo. Esun di e Chevrolet no ta ni cuadra cu e auto. Mesora a tuma e dos autonan aki den beslag, y a manda pidi takel wagen pa asina transporta tur dos auto pa warda di Balashi.
