Un cordial saludo na tur mi coleganan di Korps Politie Aruba. Nos ta enfrente di temporadanan hopi duro y turbulento.Temporadanan unda cu nos lo tin cu uni pa nos contra aresta tur e diferente forsanan, decisionan cu lo wordu tira den nos direccion. Den e temporadanan ey nos lo tin cu bini hunto pa defende nos interesnan sin trapa riba pia di niun hende. Lo tin cu para duro pa defende nos derechonan cu ta ancra den diferente leynan di Aruba y internacional. Pesey lo tin mester di un vakbond cu ta integro, ta scucha di nan miembronan, cu no ta wordu cumpra cu promesan bijv. Bevordering ect. Un vakbond cu ta para duro pa defende e interesnan di su miembronan y nan famia. Tin cu compronde cu polis no ta cualkier funcion.
Ta un funcion cu ta exigi hopi di su miembronan. Nos por wak esey den e percentage den divorcionan, malesan causa dor di stress manera,presion halto, diabetes ect. A causa di esey hopi di nos miembronan no ta yega e edad di por disfruta di un pensioen mereci. Un vakbond lo mester por bringa a base di onderzoeknan hasi cu polis lo por retira na un edad hopi mas prome cu normal. Nos tin hopi colega cu ta riba schorsing sin cu sa kiko a para di nan caso. Un vakbond mester ta altanto y mester ta poniendo presion pa e situacionan ey wordu resolvi asap. Bevorderingen cu ta pega, hendenan pega de rango zonder vooruitzicht. Awo cu a bin e inhouding riba nos bezoldiging mester zorg pa bevorderingen ect bai door. Esey ta UN di e maneranan pa compenseer locual nos a bai atras awo. Nos tin un yama Inrichtingsplan cu en bez dia a drecha e funcionamento di e Korps a deteriora e funcionamento di e Korps masha hopi mes.E Korps a bai atras den tur sentido di e palabra.Ta wordu trapa riba ancienitieit mane esey nunca a existi.
E eendrachtige samenwerking, samenhorigheid, collegialiteit a disparce pa trece, bringamento pa haya posicion, desunion ,colega ta trapa riba otro colega, ta hiba trece ect. Esey no ta contribui na bienestar di e funcionamento di e Korps cu tempo su tempo tabata un Korps respeta, prestigioso den Caribe y mundo. Mi ta hasta tribi di bisa cu vriendjes politiek ta hungando un rol den e deterioro. Riba esey mi no tin cu bai den detayes, nos tur ta altanto y sa kiko mi kier men.Papiando di politica esey tambe a hasi su entrada den Korps unda pa complace ta tumando decisionan cu ta en contra e leynan vigente y hasta persigui coleganan pa nan color politico.Nos tin cu corda cu gobiernonan/politiconan ta bin y bai cada tanto aña. E cuerpo policial cu bo coleganan tey te dia bo baha cu pensioen of cos cu nos no ta desea pero nos mester keda realistico, bo fayece prome cu esey mane a pasa cu basta colega. Corda cu ba huramenta cu bo no lo discrimina un persona, pa su color politico, rasa, creencia di religion, genero ect.E trabou di polis no ken cu ta por eherce. E ta tuma un hende cu cualidades hopi special pe trabou aki y mi ta kere cu nos mester wordu reconoci pesey.Nos como polis ta hayando hopi presion di comunidad y tambe di ariba. Ta parce cu ta wordu midi cu dos midi y e strafmaat ta conta pa esunan di rango abou.
Mientras tanto no tin ningun ayudo cu ta wordu brinda na nos miembronan cu ta pasando den momentonan dificil.Pa nos coleganan jong den dienst mi kier a share lo sigiente cu boso. Ba drenta recientemente den dienst. Purba di wak dilanti aki 10 pa 15 aña unda lo bo ta den Korps.
Mi mes ta bisabo, NO TIN SIGURIDAD PA ESEY. E SYSTEMA CU TIN AWO TIN E SCENARIO UNDA CU E KORPS TA RELATIVAMENTE JONG. E SYSTEMA DI FUNCTIE AAN RANG TA CONTRIBUI CU HOPI HENDE TA KEDA ATRAS. E SYSTEMA DI NO RESPETA ANCIENITEIT TA HASI E CHENS DI WORDU BEVORDERD MAS DIFICIL. BUSCA PA CONVERSA CU E BIEUNAN NAN LO CONFIRMA LOCUAL MI A SCIRBI.BO VAKBOND MESTER POR WAK ADELANTA CU ESEY TA BAY PASA Y BRINGA PA BO BIENESTAR Y DI BO FAMIA.ABO BAY DILANTI SIN NINGUN CONTRA TEMPO BO FAMIA TA DISFRUTA DI ESEY TAMBE. BO POR PLANIFICA HOPI COS PA FUTURO DEN BO BIDA PASOBRA BO TIN UN IDEA UNDA BO LO TA CU TA REGARDA RANGO Y SALARIO. AWORAKI ESEY TA SCUR CAUSA DOR UN SYSTEMA CU NO TA TENE CUENTA CU NINGUN DI ESEY UNDA E PERSONA NO TA CENTRAL.Mi kier scirbi hopi mas, pero mi ta lage te ki nan.Mi nomber ta Clyde Burke, per 1 augustus 2020 lo mi cumpli 32 dienstjaar, mi a traha na casi tur departamento den e Korps aki den e añanan cu a pasa. Mi a traha tambe como beleidsadviseur na gobierno unda mi tabata envolvi den trahamento di e ley di plastic y tambe leynan regardando e natuurgebieden cu mester wordu protegi.Mi a postula pa voorzitter di S.P.A. y ta spera cu lo boso vota pa un cambio pa miho pa nos tur den e organisacion cu yama Korps Politie Aruba.Di antemano danki pa e voto di confiansa,Attentamente,Clyde A. Burke
