Polis buscando auto preto despues cu tiro a cay na Madiki Kavel

3990

Diaranason anochi banda di 10’or, Polis a wordo manda pa bay na un adres na Madiki Kavel unda habitantenan a tende dos tiro. Segun informe un auto preto despues di e tironan a core bay Caya Frere Casper.

Polis a cuminsa mesora un buskeda den e diferente cayanan di Madiki, y dado momento a dal para na un auto preto cu bentana habri den Caya Frere Servatius cu ta conecta cu Caya Frere Casper. Sinembargo e patruya di Polis no a keda banda di e auto preto marka Toyota y a sigui core busca. No ta conoci pa nos si e auto mira na prome instante ey ta envolvi of no.