Diadomingo merdia a drenta informacion cu tin hendenan arma den un Suzuki Baleno. Tres persona masculino den area di un panaderia na Tanki Leendert lo ta esnan cu ta arma. Polisnan di diferente distrito a bay mesora na e sitio. Ora cu nan a yega eynan a topa cu e Baleno blanco manera cu e yamada a indica. A haya dos homber den e auto. Cu cautela a pone nan sali y bay plat na tera. Asina a cuminsa un listramento. Un di tras persona nan no a haya. Polis a keda saca mas informacion posibel di e hombernan eynan. A puntra nan tambe pa e di tres persona. No a haya e di tres persona. A yama esun cu a yama Polis y tampoco a haya confirmacion cu realmente ta un arma el a mira. Un telefon Polis a haya den su saco. A tuma tur dato di esnan den e auto y djey a sigui caminda. Durante listramento no a topa cu ningun arma den e auto of riba nan.
