Polis atento ta gara auto cu 2 plach’i number diferente pega na dje

1595

Tabata despues di 6’or di atardi cu Polis tabata patruyando den e High Rise Area. Ora nan a drenta den e pida caminda entre e highrise hotel Barceló y Hyatt Regency Aruba, a nota un auto color blanco cu hood habri y tres persona Latino na e auto. Aki tabata trata di un auto blanco Chevy Swing cu dilanti un number (A-2137) y patras un otro number (A-38268).

Mirando esaki, Polis mesora a haci control riba nan y ora nan no por a demostra cu documentonan cu nan ta legal riba Aruba, a detene tur tres persona. Segun informacion no confirma, a sollicita hasta presencia di “atraco team” pa asina nan tambe verifica un ke otro y pa wak si en caso e auto y of e tres personan por ta envolvi den un of mas acto criminal.

Detencion den area di Hotel | Auto sospechoso cu dos number diferente riba dje. Tin tres persona deteni.

Posted by 24ora on Friday, November 20, 2020

A tuma e auto den beslag y awo e investigacion ta bay riba e tres personanan aki y e auto cu nan tabata aden. Un bon trabou di Polis cu tur dia ta haci nan best pa tene e cayanan di Aruba safe.