Informe nobo a bini dilanti den e caso di drama familiar cu a tuma luga luna pasa na Dordrecht, unda e Polis Arubiano Wendell a mata su famia y despues comete suicidio. Resultado di e investigacion y publica den corantnan Hulanda ta mustra cu Wendell C. a bay su trabou bek pa busca e arma di candela usa.

A resulta cu riba dia di e asesinato riba su famia, el a bay su warda bek na Dordrecht pa busca su arma reglamentario. Segun a bin dilanti, el a stop di traha pa 5or di atardi y a bay, pero a bolbe un ora despues pa busca e arma di candela. Mey ora despues, el a usa esaki pa tira su casa Maryori y su yiunan Nicolle di 12 aña y Naiomy di 8. Pa despues e comete suicidio.

Ministerio Publico awe mainta a anuncia resultadonan di e investigacion na Rijksrecherche. Den esaki a resulta cu e yiu muhe mas grandi Nicolle inicialmente no tabata na cas, pero cu Wendell a yam’e pa 6.15 di atardi y a pidie pa e bini cas. Ora cu el a yega, Wendell a mata su famia prome cu el a pone fin na su bida tambe.

E investigacion di Rijksrecherche, nan ta bisa, ta dividi den dos parti. Di un banda a mira na e tiroteo di e tata, casa y alabes polis Wendell y e sucedidonan di e dia ey. E investigacion ey ta loke ta cla, Ministerio Publico a anuncia.

Loke cu tabata conoci caba, y cu husticia ta aclaria den e investigacion ta cu Wendell a actua su so. Despues di a combersa cu diferente testigo, Rijksrecherche ta yega na e conclusion cu e Polis Wendell debi na problemanan di relacion cu su casa a mata e esposa y su yiunan, haciendo uso di su arma reglamentario.
E posibilidad cu un otro persona cu e polis lo tabata responsabel pa e acto, ta hopi chikito.

Ministerio Publico

Ta hopi cla cu tur e miembronan di e famia a fayece a causa di tiro. Pa loke ta scenario alternative por conclui cu e posibilidad cu un otro persona cu e Polis ta responsabel pa e mortonan, ta hopi chikito.”

E otro parti di e investigacion, tambe haci door di Rijksrecherche, ta dirigi riba e pregunta si y kico Polis por a haci pa evita e uso di arma di trabou.
Wendell ta traha hopi aña caba cu Polis den su barrio na Dordrecht. E ta di Aruba, unda e pareha a casa nae dad hoben ora cu Maryori a sali na estado cu su 15 aña di Wendell, kende tabatin 23 aña e tempo ey. Despues di nacemento di Nicolle, nan a muda pa Hulanda y eynan e di dos yiu a nace.

Separacion

Pero nan matrimonio feliz a yega na su fin un poco prome cu e drama familiar. Tabata parce cu e separacion a bay den bon esfera. E siman ey Maryori y e yiunan tabata na punto di muda pa nan cas nobo den Heimerstein pa biba cerca mama di Maryori, mas o menos 900 meter mas leu.

Maryori y Wendell dos dia despues di e tragedia tabatin un cita cu Abogado pa finalisa e asunto di nan separacion. Despues Maryorinan lo a bandona e cas. Un tas cu nan pertenencianan tabata cla poni caba den e cas dia di e sucedido.

Comments

comments