Hopi biaha nos ta mira polis ta haci nan trabao di tur dia esta mantene ordo y siguridad pa nos hendenan. Pero tin biaha nos ta lubida e otro banda di e polis, ta un sirbidor di pueblo.
Y esey ta loke a sosode diabierna. Nan a topa un señora di edad respeta cu tabata cana manera perdi na altura di Pro-Catedral San Francisco. Mesora nan a dicidi di yud’e door di dun’e un lift pa su cas na Madiki. Esaki sigur ta di elogia.
