Diabierna atardi Polis a interveni na MFA na Noord pa un conflicto entre un cliente y un empleado di Departamento di Impuesto (DIMP). Parce cu e empleado a conta placa di e contribuyente y tabata falta. El a pidi e cliente pa nan cont’e hunto, pero e cliente no a keda contento, a rabia y bira agresivo. El a acusa e empleado di a coy su cen, pa cual DIMP a yama Polis mesora.
Polis a presenta mesora pa brinda asistencia. A cuminsa na calma e partidonan, pa asina por a papia trankil busando un solucion. Na final Polis a conta e placa su mes dilanti e cahera y e cliente. A resulta cu e suma tabata corecto. Di e forma aki a cera paz y a soluciona e disputa.
