Dialuna anochi a tuma luga un inval den un cas situa na Korvetstraat na Madiki. Polis a haci detencion eynan, uzando nan grupo elite di Arrestatieteam, debi cu e sospechosonan ta peligroso y lo por tabata arma. Ministerio Publico a confirma cu Polis no tabata robes den e caso aki pasobra berdad a topa varios arma y droga den e cas!

Ey a detene e sospechoso conoci di husticia, Marco Tromp hunto cu tres otro sospechoso. Tur a keda deteni despues di e accion relampago di Polis. Separa di e 4 sospechosonan aki, a topa cu 3 stranhero den e cas cu no por a demostra un permiso di estadia na Aruba, pa cual a entrega nan na Warda nos Costa pa procesa nan deportacion.

Kico e caso mes ta encera, Ministerio Publico ta prefera di no divulga ainda. Si a confirma cu e caso aki no tin nada si haber cu e menasa riba Colegio Arubano. Riba nos pregunta cu si acaso ta sospecha cu e sospechosonan aki lo ta envolvi den casonan recien di atraco, tampoco no por a contesta. Pero tanto arma y droga den un cas, ta obvio cu ey tin un negoshi lucrativo tumando luga y cu awo a stop, debi na investigacion y detencion di Polis.

Comments

comments