Diabierna den ora nan di mainta polisnan di Noord a tene un control di trafico. A pone diferente automobilista baha caminda pa controla documentonan.
Durante e control Polis a bay para un Tercel cu number A-54900. E chauffeur a nenga di para y purba burla di husticia. Polis a logra para e chauffeur poco mas leu, a resulta cu ningun documentacion ta den ordo. A confisca e auto y chauffeur a keda na pia. Durante e control a parti cantidad di boet.
