Diaranson mainta, pa mas of menos 10:25 am, un habitante di St. Catherinestraat na San Nicolas, a pone polis na altura cu lo tabatin un mucha su so den cas den un apartamento.
Na nan yegada, polis a topa cu un hobencito di apenas seis aña di edad den e luga, pero sin su mayornan.
Di biaha nan a cuminsa averigua ken ta mayor di e mucha homber, pa asina purba yega na nan mas pronto posibel.
Despues di basta rato cu a busca pa sa, a logra localisa un persona cu conoce e mayornan y a pone na altura pa avisa esun responsabel pa e mucha, presenta na warda di polis di biaha. A pidi pa slachtofferhulp t’ey presente pa atende cu e caso.
