Polis a los tiro durante persecucion tras di sospechoso den Pavia

Tabata mas o menos 1:43am cu a scucha tiro na altura di e cas Hooiberg # 18-E na Santa Cruz. Mesora a despacha varios unidad di Polis pa e sitio. Ey no a topa e sospechoso pero pa 1:53am, den 10 minuut despues di e yamada, un unidad di Rapid Response Team (RRT) di Polis, a topa cu un homber cu T-Shirt color preto, na careda den Pavia. A detene mesora.

E detencion sinembargo no a bay facil, pasobra e homber tabata na pia y a nenga ordo di Polis pa para. El a drenta mondi na careda y a purba di tur forma pa huy for di autoridad. E agente consecuentemente a los un tiro di advertencia cu su arma reglamentario, cu a pone cu e sospechoso a dicidi di para mesora.

 

Kico ta e motibo cu e tabata na careda asina no ta conoci y riba ken el a tira na Hooiberg tampoco no ta conoci ainda.

Hecho ta si cu e patruyanan di Polis y RRT a logra detene e homber mesora, pues den 10 minuut despues di e yamada di tiro den Santa Cruz.