Diadomingo mainta tempran, polis a bin topa cu un Hyundai Accent canto di caminda, cu su chauffeur drumi a lo grande den dje na altura di Yami Yami Restaurant na Bubali.
Polis a lant’e for di soño y cu transportwagen, polis a hib’e warda di Shaba pa asina e por ‘wake up’. Por a nota den e auto boter di bebida y mirando den ki estado e chauffeur aki tabata, a asumi cu e persona lo tabata malamente bao di influencia di alcohol y pa tal motibo, a dicidi di hala na banda y descansa su body.
