Dialuna, pa mas of menos 8’or y mey di mainta, unidad motorisa di polis a mira un chauffeur di scooter coriendo den Driemasterstraat y a dicidi di par’e.
A bin resulta cu e chauffeur di e scooter no tabata tin helm bisti, e scooter no tabata sigura, ni tabata tin e plachi di number paga, dunando asina suficiente motibo pa polis confisca e scooter, lagando e chauffeur na pia. Despues cu e caba di drecha tur esaki, e por bay busca su scooter na warda di polis.
