Na momento cu Toque de Queda a cuminsa diamars, Polisnan a haya nan mes ta intermedia entre dos adicto, kendenan a haya problema cu otro pa motibo di un pipa, cu sigur no tabata e pipa di paz.
Cinco minuut despues di mey anochi Polisnan a bay den Elleboogstraat, na altura di e chollerhouse ya cu personanan a tende un hende muhe ta grita masha duro. Pero na e sitio e Polisnan no a topa cu e muhe di mey anochi, ni hende gritando.
Pero si nan a mira dado momento cu e porta di e edificio ta habri y a mira un homber desconoci drumi riba un matras den e chollerhouse.
Na mesun momento a mira e adicto ambulante B cu a pasa banda di nan y a drenta e edificio. El a cuminsa grita e otro ambulante drumi. El a lanta for di soño y e discusion a cuminsa bira mas pisa. E problema tabata pasobra e adicto ambulante H a horta e pipa di B y a kibre. Despues H a cana bay for di e sitio.
