Diabierna mainta polis a haya nan mes ta atende otro problema relaciona cu huur. E biaha’ki e tabata den bario di Madiki.
E problema aki a presenta prome cu 12’or di merdia. Na Madiki 90-B tin varios apartamento cu e doño tin na huur. El a bay cobra un di e huurdonan e placa di luna, pero ta parce cu el a haci esaki di un mal forma, uzando palabra menos bunita.
E tabata insisti pa haya su placa di huur, mientras cu e huurdo a inform’e cu nan tin un areglo di pago cu huurcommissie y cu tur cos mester cana via di e instancia aki. Sinembargo e doño ta insisti pa haya su pago. Esaki ta motibo cu e huurdo a pidi intermediacion di polis.
E huurdo a splica cu e tin 15 aña bibando den e apartamento ey. Su yiu a nace na e adres ey y nunca el a cay laat cu su pagonan. Lamentablemente door di COVID el a keda afecta, mescos cu miles di otro persona, ya cu e ta traha den sector di F&B.
Pa evita mas problema, dado momento el a duna e doño di cas placa, pero no full. Na februari ultimo a yega na un areglo caba via di huurcommissie, pero asina mes a surgi problema.
E meneer ta biba eynan hunto cu su casa y dos yiu.
