Diaranson despues di 9:00 di anochi a despacha un unidad policial pa un adres den Cashero, unda aparentemente un persona bebi lo a bin causa problema. Na yegada di e patruya policial na e adres, un persona sali di e cas pa papia cu nan.
Aki el a splica kico tur tabata pasa, cual tabata trata di un problema entre bisiña. Ambos a tira palabra pa otro. Despues cu polis a papia cu e prome persona, nan a bay n’e cas di bisiña pa papia cu nan. Na prome instante ningun hende a sali, pero despues cu polis a pitra un par di biaha, un persona a sali.
Polis a duna e bisiña aki oportunidad pa conta su banda di medaya, pero despues di basta rato di papia, nan a ripara cu nan no ta yega mucho leu cu e homber. A dicidi di papia un tiki mas duro cu ne y a conseh’e p’e bay paden. Tambe p’e evita di busca problema cu su bisiña. E holmber a haci caso y e agentenan policial a bandona sitio.
