Polis a intercepta un boto cu 24 ilegal yegando Aruba

Tabata diamars anochi pa 8:20 pm cu e Radarkamer di Cuerpo Policial a detecta un boto cu a drenta den un manera ilegal for di Venezuela den awanan territorial di Aruba, na altura di Rodgers Beach na San Nicolas. Den cuadro di e bon cooperacion entre Radar Kamer di KPA, Polis Maritimo y helikopter di polis, a persigui y gara e boto cu 24 persona indocumenta abordo.

A trece e boto y e personanan indocumenta na Barcadera pendiente pa investigacion.
A detene e capitan y e tripulante y a pasa nan over pa e recherchenan di Unit mensenhandel & mensensmokkel, cu lo continua cu investigacion.

Accion marduga riba lama: Polis Maritimo a coy boto cu 24 ilegal yegando Aruba

Posted by 24ora on Tuesday, August 31, 2021

E caso ta den pleno desaroyo y e investigacion lo sigui su curso.