Polis a identifica e victima di hogamento ayeranochi

Despues di hopi ora, awe mainta porfin Polis a logra identifica e victima di hogamento di ayeranochi. No obstante cu e victima tabata cu famia na e sitio, a dura te awe mainta pa identifica cu ayera 8:35pm, dr. Texeir a constata morto di: Adelso Sandoval Castellanos, naci na Colombia dia 17 di december 1979.

Diasabra anochi pa 6:49pm a pidi asistencia di Polis pa un persona cu a hay’e den dificultad na lama, specificamente na Dos Playa. A indica na autoridad cu e landado no ta logrando yega tera bek. Na yegada di e patruya ya a saca e persona caba. Paramediconan cu a yega na e sitio a purba di reanima e victima pero envano.

A haci uzo di helicopter pa transporta e victima mirando cu accesibilidad tabata dificil.

Paz na su restonan y forsa na famia den e momentonan dificil aki.