Dialuna marduga pasa di 5:00am a yama Polis cu dos homber den un Van blanco ta purbando di kibra e porta di Burger King den caya grandi. Na yegada di patruya no a topa cu e dos ladronnan ni e Van blanco, pero si cu e porta dilanti kibra.
E unidadnan riba caminda a cuminsa cu un buskeda di e personanan y na Catiri patruya a logra para e Van blanco cu e dos hombernan aden.
Den e Van, despues di un investigacion, Polis a bin topa cu un caha fuerte, tambe un palo y pata di cabra. A sigui busca den e Van y a bin haya un arma di candela.
Mesora Polis a detene e dos hombernan a y a hiba nan Warda di Polis pa nan duna cuenta di nan acto, di e caha fuerte horta for di Burger King y di e arma di candela den nan poder.
Departamento di Recherche presenta y tuma e investigacion over. A confisca e Van y e resto di cosnan horta y a hiba nan Warda di Polis pa e seccion di Polis Tecnico por sigui haci nan investigacion.
Cuerpo Policial ta pidi cu sa algo of a mira algo, pa yama e tiplijn 11141.
