Diasabra atardi Polis di trafico a evita agresion na Hooiberg. E chauffeur di un auto a causa un accidente pasobra a slow lora links sin pone señal y un brommer cu dos ocupante a bay pasa. Ambos vehiculo tabata bay direccion pariba den Caya Betico na altura di Well Well. Ora cu e señora a slow e motociclista a kere cu e por pase pasobra ta poco poco e ta core.
A resulta cu e señora a slow pasobra e kier a bay lora links. E motociclista a bay purba pase sin pensa cu e lo lora. E brommer a dal den e auto. Ambos pasahero riba e brommer a keda herida cu rascanan na curpa. E manehador di e brommer a reaccion agresivo y a bay pa habri e porta di e auto pa asina regla cuenta mesora cu e dama chauffeur. Net Polis di trafico a pasa y a evita agresion contra e dama. A pidi ambulance y ambos herido riba e brommer a haya atencion medico na e sitio.
Aunke e dama a lora man robes sin pone señal, como motociclista bo tambe mester core mas responsabel. Bo a yega un T-Weg y a mira cu e dama a slow cu su auto. Por a pensa un tiki tambe y sea mas conciente cu e por lora y ta locual el a haci tambe. Danki Dios e heridonan tabata leve y e presencia di Polis tabata rapido pa evita agresion contra e dama chauffeur.
