Awe mainta pa 11:45am a presenta un problema di famia na Nijhofstraat, na San Nicolas. Polis a yega mesora na e cas y a constata cu tabatin un problema bayendo for di man. Parce cu e yiu a saca cuchiu pa su mama, pero cu entretanto el a bandona e sitio caba.
No a dura mucho cu a drenta informacion cu e yiu ta den Saint Antoniebergweg, cu ta algun caya mas leu. Polis a sali mesora su tras y a deten’e na e sitio, como sospechoso di comete destruccion na cas di su mama. A transport’e pa Ward’i Polis San Nicolas pa e duna cuenta di su acto.
