Algun siman atras riba a tuma luga un atraco arma riba un dama cu tabata haci ehercicio mainta trempan riba Watty Vos Boulevard. E atracado a uza un arma blanco pa kita celular di e victima y despues a huy for di sitio. Polisnan a cuminsa investiga, unda cu siman pasa diasabra a detene un hoben Dominicano na altura di Jaburibari.
A detene e Dominicano como e prome sospechoso den e caso di atraco. Polisnan a sigui cu e investigacion, unda cu e ekipo di recherchenan den “Atraco Team” a traha incansablemente riba e caso. Durante investigacion a bin detene un di dos sospechoso. Ta trata di un Venezolano permaneciendo ilegal na Aruba. Despues di e declaracionnan necesario pa autoridad di e prome sospechoso, Polisnan a laga e Dominicano liber.
Tambe e sospechoso Venezolano ilegal tabata haciendo trabounan di construccion na altura di e snack banda di parada di Arubus na Playa. A bin hay’e trahando den e construccion. Di biaha Recherchenan a acerk’e y a deten’e na e sitio. Polisnan uniforma a bin busk’e pa transport’e pa arda di Polis, unda lo sigui cu e investigacionnan.
