Diadomingo anochi alrededor di 7:30pm a bati alarma pa un señora hopi agresivo y burachi den area di Bushiri. Segun testigonan, e sospechoso a saca cuchiu pa dos hende y menasa nan cu morto. E victimanan ta un mucha muhe di diestres aña y un hende di edad caba.
Polis a controla den e area completo pero no a topa cu e sospechoso. Hasta polis di strandpolitie y di e districto di Noord a yuda pa busca e señora aki. Na final ta na e señora su cas mes a top’e, den e compleho di FCCA. A deten’e y hib’e warda di polis.
Ey e señora tabata asina burachi cu e agente femenino mester a drenta den e transporte policial pa yud’e baha.