Diabierna anochi alrededor di 10:25 pm polis a presenta na Amsterdam Bar den De La Sallestraat p’un homber fastioso. Ta trata di un tipo cu despues di dal drinks, a lubida cu e tin cu paga su cuenta. N’e dicho bar ta acepta solamente placa efectivo, pues no ta acepta swipe.
Ta netamente locual a pasa cu e homber aki tambe mirando cu e no tabatin placa cash cu ne. Polis a presenta pa atende cu ne. El a bisa polis cu; e no ta bay keda sin paga su cuenta, djis cu e no tin placa cash cu ne.
Su actitud tabata uno menos bunita cu e polisnan na sitio. E tabata hopi fresco den su contestacion, a nenga di mustr’un identificacion valido na e agentenan. Ta tur motibo pa polis detene e homber aki y transport’e pa ward’i polis.