Dialuna marduga, pa mas of menos 1’or y mey, a pidi presencia di polis pa un homber burachi cu tabata haciendo fastioso na Holiday Inn.
Eynan autoridad a topa cu un homber cu tabata papia basta bruha y tabata busca problema cu e otro turistanan den e area.
Segun testigonan cu hasta un chauffeur di taxi tabata tin problema cun’e. Polis a papia cu e homber aki varios biaha pa e comporta su mes pero esaki no tabata suficiente.
A bay over na detencion mirando cu e homber no kier a tende di Polis y ta burachi den area publico. Despues di esey polis a hib’e warda pa asina duna cuenta di su acto.