Polis a detene homber cu a zwaai arma falso banda di ex United Dinner

4877

Yamadanan a drenta na Central di Polis, caminda cu tabata tin un hende ta zwaai cu arma den man publicamente banda di ex United Dinner.

A yama diferente patruya di diferente districto y nan a uni den vecindario, wardando e momento pa asina ataca y bay over na detencion.

Polis den accion pa homber cu arma di candela den Madiki

Posted by 24ora on Saturday, August 1, 2020

Esey a sosode tambe. Nan a yega y topa cu e sospechoso. A mira un arma cu a resulta despues di ta un arma falso. Pero cu riba un distancia ta mescos cu un arma di berdad.

Ta trata di un grupo conoci di polis cu ta riba trip, bebemento, etc. ainda mainta banda di 9’or y mey pa 10’or.

Polis, cu arma den man, polis a yega riba dje, punta arma riba dje y bise pa pone lomba pa muraya. E persona no a reaccion riba polis. Despues cu a haya un chens, polis a warda arma, y a mande tera. A pone na boei y bay cun’e warda.

Polis a detene grupo sinta pafo di Kin W (ex United Dinner) na Madiki. Un tabata zwaai cu un arma di co’i hunga den man, cu a activa autoridad mesora.

Posted by 24ora on Saturday, August 1, 2020

Otro dos persona tambe nan a manda tera, pero despues di un rato nan no a detene nan. A boei un di nan, pero a laga tur dos bay. A core cu nan di e sitio.

Nan tin e estilo di bebe dilanti di e restaurant, toca musica, etc. Polis a listra auto, busca pa arma, etc. pero no a topa cu mas arma. Unico arma cu nan a topa ta e arma falso cu e persona tabata zwaai cun’e y a pone esnan cu a mira bati alarma mesora.

Tremendo trabao di polis, tremendo coordinacion y tremendo accion.