Polisnan a ser yama pa bin atende cu un homber cu tabata causando problema den un restaurant na Playa. Ta trata di e un homber Dominicano cu parce tabata bebe den Moonlight Bar den Hendrikstraat.
E yamada tabata pasobra e tabata causando problema y tabata un menaza pa esnan den e localidad. Ora cu Polis a yega nan a topa cu e homber Dominicano hopi aña biba na Aruba. Ora cu Polis a drenta pa atende cu e asistencia, e homber a bira ataka e Polisnan. E polisnan a drenta den accion mesora. Nan a domine y mande tera. A pone na boei y bin afo cune.
A pidi dogcatcher. Mientras cu tabata warda e homber deteni curpa grandi tabata grita y manda palabranan mahos den direccion di Polis. Hasta tabata menaza Polis. A carge cu cuater polis hibe den Dogcatcher. Ora a pone den dogcatcher ainda e tabata menaza Polis cu morto. Un señora cu tabata presente ainda kier a defende e homber y Polis a atende cune tambe. Parce cu tin hende ta kere cu ora Polis yega y haya hendenan asina agresivo mester atende cu nan cu caricia.
Esey no ta traha. Ora bo yega pa un asistencia pa un hende cu ta un menaza no tin tempo pa caricia ningun hende. Ta cuestion di bay den accion pa controla e situacion . Esey ta netamente loke a sosode tambe den e restaurant den Hendrikstraat. Despues di bay cune warda a presente dilanti Sub Fiscal. Eynan a dicidi cu e ta keda y a bay cune warda di Santa Cruz unda a dune un cel pa sosega.
