Polis a detene dos homber burachi cu kier a sali pa Hulanda riba KLM

Dos homber cu kier a sali riba KLM pa Hulanda a keda tera. E motibo tabata pasobra nan ta burachi y nan comportacion por bira un peliger pa e seguridad riba e vuelo. Prome cu yama Polis logicamente bo comportacion ta causa cu ta purba evita bo presencia riba avion.

Polisnan a yega airport y a detene e prome den sala di salida. Despues e siguiente nan a bay den avion buske. A trece un prome pafo hinke den dogcatcher. Esey tabata papia spaño. E di dos ta papia Ingles. Nan maleta tambe a keda atras logicamente y a hibanan tambe pa warda di San Nicolas.

Eynan un subfiscal tabata pendiente pa nan yegada. Na lugar di pasa un anochi crusando Atlantico den KLM y kizas cu un dushi soño, nan a pasa un anochi den sangura drumi den cel na warda di San Nicolas. A tuma nota  cu ora a trece e di dos detenido, e prome den dogcatcher kier a forsa baha.

Polis a atende cune y mande bek sinta keto den dogcatcher. Ambos a sali hunto den e trip riba Green Corridor direccion San Nicolas. Den un siguiente vuelo mester mira si tin dos asiento disponible y si tin tambe costo adicional pa e vuelo.

A detene tur dos: Pata pata burachi nan kier a bay Hulanda riba KLM

A detene tur dos: Pata pata burachi nan kier a bay Hulanda riba KLMClick link pa mas: https://24ora.news/2VQ7iu2

Posted by 24ora on Sunday, July 5, 2020