Toque de Queda ta un di e tantisimo medidanan cu Gobierno a tuma, pa asina trata di evita e crecemento rapido di contagio di e virus Covid-19. Supuestamente e pueblo di Aruba pa aworaki mester sa e consecuencia ora Polis ta garabo ta kibra e ley di Toque de Queda.
Asina mes toch bo ta haya hende riba caya cu ta purba nan suerte. Esaki tabata e caso tambe na altura di Peking Restaurant na Santa Cruz.Aki Polisnan atento a para un pick-up despues di 1’or di marduga. Ora Polis a cuestiona e chauffeur, e no por a hustifica su presencia riba caya den e ora di Toque de Queda.
Mesora Polis a detene e chauffeur y a solicita presencia di transport wagen pa asina hiba e detenido pa warda. Mientrastanto e Polisnan a pusha e pick-up riba acera pa asina no stroba e trafico.
