Polis a detene 27 hende riba caya durante TDQ

7194

Ta parce cu e esfuersonan di Gobierno te na e momentonan aki no ta yegando na un grupo den comunidad, cu pa un motibo of otro, ta sigui subi caya toch entre 9:00pm y 6:00am. Hopi ta bisa di no sa mes di e decision di Gobierno pa implementa un “Toque de Queda” of otronan no ta compronde ki implicacion e decision aki tin. Entre ayeranochi y awemainta a detene no menos di 27 persona riba caya atrobe.

Mester bisa cu no ta tur sospechoso a keda contento cu e forma con a detene nan y ni e motibo cu autoridadnan a duna na momento di nan detencion y despues duna nan un multa caro pa paga den dos siman di tempo. Algun di nan a keda di contact 24ora.com awe pa duna nan banda di medaya, acusando Polis di ta “abusa di nan poder” y ta detene hende inocente dilanti nan cas.

Pa awo e conteo oficial di detencionnan desde e prome dia di Toque de Queda ta como lo siguiente:

  • Prome dia: 31 detencion
  • Di dos dia: 45 detencion
  • Di tres dia: 18 detencion
  • Di cuater dia: 29 detencion
  • Di cinco dia: 18 detencion
  • Di seis dia: 22 detencion
  • Di shete dia: 27 detencion
  • Den shete dia total: 190 detencion cu ta suma alrededor di 190 mil florin na multa!