Tabata despues di 6:00pm cu Polis a haci un di dos entrada hudicial (huiszoeking) relaciona cu un investigacion cu tin di haber cu droga. Algun rato prome a canta ”bingo” na Pos Chikito pero e di dos biaha a dal den bashi y no a haya nada.
Ta trata aki di un cas situa na Savaneta 118, situa riba e caminda principal di Savaneta. E cas aki segun bisiñanan, ta atrae basta bishitante durante dia y anochi y ta sospecha cu ta bendemento di droga.
Na yegada di Polis, no a topa cu nada. Locual ta straño ta cu; A haya television cendi, airco cendi y porta habri. Segun testigonan a conta: “Trinta minuut prome cu Polis a yega aki, 4 guy a sali core bay for di e cas”. Pues ta parce nan a haya un tip cu a alerta nan despues di e entrada na Pos Chikito unda si a haya cantidad grandi di droga.
Claro cu awor ta conoci cu Polis tin wowo riba e adres y no lo dura mucho cu nan lo haya un otro bishita.