Polis a core tur mucha for di Wilhelmina Park

5118

Diasabra den careda di 9:40 PM polis a presenta den area di Wilhelmina Park pa atende cu un grupo grandi di hoben cu tabata aglomerando.

Na sitio por a tuma nota di un grupo entre trinta pa cincuenta hoben cu tabata gran mayoria menornan di edad. Dado momento a surgi un pelea cu a pone cu polis a presenta y duna ordo pa bandona sitio.

Mester menciona cu e grupo aki no tabata atene nan mes na regla / medida cu ainda ta na vigor pa locual ta trata Covid-19. No solamente aglomeracion pero tambe distanciamento social.

Polis mesora a actua y a duna ordo pa nan retira for di sitio, naturalmente nan no a keda contento. E idea di “chill” un rato ainda no ta permiti y cual nan a vocifera nan malcontento pa cu esaki.

Entre tanto varios unidad di polis ta riba caya cu controlnan riguroso camindo por a wak unidad motorisa, K9 Unit como demas polisnan di otro districto.