Un rato pasa alrededor di 7:30pm polis a bay atende cu un grupo di hende cu keto bay no ta cumpli cu e reglanan di distanciamento social, emiti pa Gobierno di Aruba y DVG. Mescos cu ayera nochi, atrobe grupo di persona a bini hunto y celebra manera nada no ta pasando.
Por nota con ta bay cu jug cu co’i bebe y fiesta manera no tin mañan. Locual a resalta, ta cu e hobennan ta esunnan cu ta keda aglomera. El a bira un custumber di tur fin di siman, cu autoridadnan mester laga tur otro asistencia para pa bay coe cu multitud di hende for di sitionan publico. Ta parce cu, pa un motibo of otro, e mensahe di keda cas y mantene distancia social no ta yegando na un grupo den comunidad of cu e grupo aki ta resisti di coopera.
Polis mester a hasta cera rotonde Las Americas, dilanti Cas di Cultura, p’asina desvia trafico mirando cu tabatin hopi auto y hende riba parkeerplaats di Linear Park. Varios unidad di polis for di diferente districto a uni na e sitio pa garantisa cu ta reestablece orden publico.
