Diabierna anochi alrededor di 9:45 pm a sosode un accidente na altura di ex-House of Chengs. Un auto marca Chevrolet color preto numera A-65596, biniendo for di direccion di Courtyard by Marriott, a subi e isla memey caminda y ranca un borchi di trafico. E chauffeur tabata bou influencia di alcohol. Daño material tabata minimo.
Personal di seguro hunto cu polis di trafico a presenta pa documenta e accidente aki. No ta prome biaha cu polis ta detene e chauffeur aki. El a bisa polis cu e tin problema cu alcohol y cu ta despues di trabou el a pasa dal dos betro.
Tin hopi organisacion cu ta yuda persona cu problema di alcohol, entre nan; Misa of Alcoholico Anonimo. Netamente locual un di e polisnan a haci ta conseha e chauffeur pa busca camind’i Dios.
Mirando su comportacion trankilo cu e polisnan, a opta pa no boei su mannan mirando el a coopera bon.
