Polis a confisca auto mainta trempan

Polisnan a bay banda di e casnan conoci di Polis den e area di Tanki Leendert pa un auto sospechoso laga atras riba caminda.

Ora cu a yega na e sitio tabata un Nissan Sentra color shinishi. E auto tabata paga. Polis a controla e number di e auto y esaki no tabata klop. Ademas e number tabata traha. Polis a confisca e auto.

Prome cu takelwagen a yega e supuesto doño tambe a core yega na e sitio. Dos homber a presenta y nan a bisa cu e auto ta di nan. Polis a splicanan cu e documentonan no ta klop y nan no por bay cu e auto. Finalmente ambos a keda na pia. Parce cu e auto a paga y nan a opta pa lage mey mey di caminda strobando trafico. Si a djis pushe un banda, ningun hende lo a molestia y yama Polis. E yamada a drenta ora cu e auto tabata su so den forma sospechoso mey mey di caminda.