Diabierna anochi polis di San Nicolas tabata basta activo. Ya for di tempran caba polis a tene control na diferente establecimento pa wak si nan ta cumpli cu e diferente reglanan stipula pa DVG, entre otro distanciamento social, higiena, tapaboca.
Polis a bay bay controla den area di Carnival Village y pa banda di 7’or y 45 di anochi, nan a tuma nota cu un di e negoshinan no tabata practica e reglanan ya stipula.
A cuminsa core cu tur hende for di e sitio, pero esaki sinembargo no a logra manera cu tabata kier. A opta e ora pa cera e negoshi aki completo, mirando cu nan no tabata cumpli cu e reglanan.
