No ta prome biaha, asina su amigo a bisa nos awe tardi pa mas o menos 6:30pm na Eagle Beach. A bati alarma pa un dama cu ta perdi di mainta caba. Su famia a busc’e tur caminda pero no a logra topa cu ne pa cual a avisa Polis. Pero, di acuerdo cu e protocol, mester warda 2 dia prome cu sali busca. Asina mes un amigo a topa cu ne atardi na lama, pa cual a yama Polis pa intermedia. E tabata burachi y no kier a rasona.
Polis a deten’e na e sitio pa su mesun siguridad pa evita cu e tin cualkier intencion robes. A pidi pa ambulance na un prome instante pa yud’e pero e dama mes a nenga atencion medico. No a keda nada otro e ora pa deten’e na e sitio y hib’e Warda di Polis pa eynan mira cu si den un cel e por pasa wayaba y leomai ideanan malo den su cabes.
