Diahuebs atardi polis a wordo avisa pa testigonan cu ta bisa cu tin mayornan ta maltratando nan yiu chikito den un forma increibel.
Esey tabata na altura di e parkinglot di Ennia, den e area di Eagle. Na momento cu polis a yega, nan no a topa masha cos. Pero a topa cu un persona y a bay combersa cun’e.
Tur cos ta mustra cu ora cu polis a yega, ya caba e mayornan a bandona e sitio, despues di loke a sosode. Testigonan ta insisti cu e forma cu nan tabata maltrata e mucha, no ta e forma corecto.
Mientras tanto no a haya nan, pero tin informacion si di esnan cu a comete e maltrato contra di nan yiu menor di edad, y cu a capta atencion di esnan cu tabata ey banda.