Polis a bay atende problema cu a escala na Beach di Bushiri

Diadomingo net despues di merdia a sosode un incidente na Bushiri. Un señora a yama Polis pura pasobra un otro dama a presenta cu su guy y kier a regla cune. Parce cu e señora cu a yama tin problema cu e pareha.

E lo tabata tin un relacion cu e ruman homber di e dama. E relacion a caba algun siman pasa. Awor e ex cuña ta sigui su tras tur caminda buske problema segun e señora. E ex cuña ta di inicialnan G.G biba den Lucerostraat den e casnan di pueblo na Madiki.

Polis a bay atende problema cu a escala na Beach di Bushiri

Polis a bay atende problema cu a escala na Beach di Bushiri. Click link pa mas https://24ora.news/3b6ksYM

Posted by 24ora on Sunday, May 3, 2020

Polis a yega y scucha e señora na beach. El a splica cu e pareha a bin pa buske problema y kier a dale cu baranca. Pa e defende su mes el a saca un cuchiu cu e tabata tin hunto cune. El a bisanan kico ta kico mesora. Hasta a bisa cu e pareha ta usado di droga y danki na dje a logra pa tin cama pa drumi y comedo den nan cas. E pareha a bandona e sitio ora cu e señora a yama Polis.

Ora Polis a caba di atende cune na Bushiri, a bay na e cas den Lucerostraat. A haya e pareha cu a sali pa atende cu Polis. Polis a splica riba e yamada cu a drenta y tambe kier a tende nan version. Nan a splica Polis cu nan no a bay busca e señora problema na Bushiri. Nan storia tabata cu nan dos a bay piki Cocolishi canto di lama. Polis a atende cu nan y djey bisanan evita di causa problema.